Mandati

Këshillon Kryeministrin për çështjet e komuniteteve

• Informon dhe këshillon kryeministrin, në një afat të caktuar, lidhur me çështjet e të gjitha  komuniteteve;
• Njofton kryeministrin për çështjet e rëndësishme me interes të bashkësisë lokale, kombëtare, rajonale dhe ndërkombëtare;
• Njofton kryeministrin për çështjet që kërkojnë ndërhyrjen e tij personale.
  

Koordinon çështjet e komuniteteve

• Kontribuon në koordinimin e punës së organeve qeveritare, agjencive dhe institucioneve të pavarura në nivel ministror dhe në nivel komunal;
• Kontribuon në koordinimin e punës së donatorëve dhe organizatave ndërkombëtare për të siguruar që çështjet e komuniteteve të adresohen në mënyrë efektive në mbarë Kosovën. Eliminon përpjekjet e dyfishta dhe siguron përdorimin efektiv dhe të barabartë të shpërndarjes së fondit;
• Ndihmon në monitorimin e këtyre organeve, në sigurimin e kushteve që ata të kryejnë punën e tyre të përcaktuar në mënyrë efektive në lokacionet e vendosura në nivel të lartë.
  

Vlerëson politikën në çështjet e komuniteteve

• Kontribuon, analizon dhe ofron këshilla lidhur me politikat qeveritare që ndikojnë në të drejtat dhe interesat e komuniteteve;   
• Kontribuon për zhvillimin dhe ndihmon monitorimin e zbatimit të strategjive qeverisëse në lidhje me komunitetet;
• Ndihmon monitorimin e zbatimit të ligjeve në lidhje me komunitetet dhe të politikës, si dhe të ndikimit të tyre në nivel të komunitetit;
• Mbron respektimin dhe bënë promovimin  e ligjeve dhe të politikave të qeverisë për komunitetet përkatëse.
• Në bazë të nevojës, rekomandon ndryshime ose ndihmon në përshtatjen e ligjeve të komuniteteve dhe politikave për çështje të komuniteteve lidhur me ligjet dhe  politikat, në qoftë se në to nuk janë adresuar në mënyrë adekuate çështjet e komuniteteve.

Adreson nevojat praktike të komuniteteve

• Përdor fondet në dispozicion me ndikim pozitiv dhe krijon ndryshim në jetën e njerëzve, me theks të veçantë tek shtresat më të prekura;
• Mbron dhe lehtëson zgjidhjen e rasteve të komuniteteve të profilit të lartë.